.

.

Tuesday, August 28, 2012

අපිටම කියලා අපේම Torrent File එකක් හදමුද ( Part I )

කොල්ලට හිතුණා කාලයක් ඈත් වෙලා තිබ්බ කොල්ලගේ ලොකුම විනොදාංශේ උන බ්ලොග් එකට ආයේම පණ පොවන්න.එක නිසා තමා ලග ලග ආර්ට්කල් ගොඩාක් ඉඩ ලැබෙන විදියට දැම්මේ.කොයි හැටි වෙතත් අද නම් මන් හිතුවේ පට්ට පට පට මාතෘකාවක් ගැන කතා කරන්න.මතෘකාව තමයි අපිටම කියලා අපේම Torrent File එකක් හැදීම.

ඔයාලා හැමෝම  Torrent ගැන පොඩ්ඩක් හරි දන්නවනේ.ජිවිතේ එක පාරක් හරි  Torrent ඩවුන්ලොඩ් එකක් කරලා හරි අඩුම ගානේ ඩවුන්ලොඩ් කරනවා දැකලා හරි ඇතිනේ.ඇත්තටම අද කාලේ ලොකු ලොකු දේවල් ඩවුන්ලොඩ් කරනවානම් ඉතින් අපිට සහ මේ ලෝකේ තියෙන ලේසිම ක්‍රමේනේ Torrent Downloading කියන්නේ.

මේ කතා බහේදීම මම හිතාන ඉන්නවා Torrent කියන්නේ මොකද්ද කියලත් ඔයාලට හොද පැහැදිලි අවබෝධයක් ලබා දෙන්න.මොකද ගොඩාක් අය ගිරව් වගේ මේක කියෙව්වට ඇත්තටම මෙතන වෙන්නේ මොකද්ද කියලා හරියට දන්නෙත් නෑ.හොයලා බලන්න උත්සහ කරලත් නැතිව ඇති


හරි.දැන් අපි කතා කරමු Torrent ගැන.ඉහතින් දක්වලා තියෙන්නේ සුප්‍රසිද්ධ Torrent Clients ලා ටික දෙනෙක්ගේ ලොගෝ ටිකක්

මොකක්ද මේ Torrent කියන්නේ


අපි ලග යම් දෙයක් (විඩීයෝවක් හෝ ඔඩීයෝ එකක්/ ෆිල්ම එකක්/ මෘදුකාංගයක් ) තියෙනවා කියලා හිතමු.අපිට ඔනේ මේක අපේ යාලුවෙක් එක්ක බෙදා ගන්න.එත් එ යාලුවා අපි ලග නෙමේ ඉන්නේ එක නිසා ගිහින් දෙන්නත් බෑ.අපේ රටේ නෙට් ස්ලොව් (slow) නිසා කොහෙට හරි අප්ලොඩ් කරන්න ගියොත් එක complete වෙන කොට අපි නාකි වෙලා ඉදිවි.දැන් මොකද කරන්නේ

ඔන්න දැන් තමා Torrent තියරිය ඇප්ලයි වෙන්නේ

අපි කරන්නනේ මුලින්ම අපි ලග තියෙන අපිට අප්ලොඩ් කරන්න ඔන ෆයිල් එක වෙනුවෙන් එකටම විශේෂ වු ටොරන්ට් ෆයිල් එකක් හදා ගන්නවා.මේකට තමා Torrent එකක් කියන්නේ.මේක අපිට සරල මෘදුකාංලයක් ආධාරයෙන් හදා ගන්න පුලුවන්.මේක බොහෝම පුංචියි.ෆයිල් සයිස් එක කිලෝ බයිට් ගාණයි.මේකේ අඩංගු වෙන්නේ අපි අප්ලොඩ් කරන ෆයිල් එකේ නම/ එ ෆයිල් එකේ විශාලත්වය /  ඩවුන්ලොඩ් කරන්න ඔන වෙබ් සයිට් එක වගේ දේවල් ටිකක්.

ඔන්න දැන් මෙහෙම ෆයිල් එකක් හදා ගත්තම මූලික කොටස අහවරයි.දැන් අපි ලග ටොරන්ට් එක තියෙනවනේ.මේ Torrent File එක අපිට බෙදා හරින්න ඕනේ වෙනවා ඉ ලගට.එ මොකද අපි ලග Torrent File එක බෙදා හැරීමට අවශ්‍ය පහසුකම් නැති නිසා.ඔන්න දැන් තවත් අලුත් වචනයක් අපේ ශබ්ද කෝෂෙට එනවා.එ තමයි Tracker කියන වචනේ.හරියටම කිව්වොත් Torrent Tracker.Torrent Tracker එකක් කියලා අදහස් වෙන්නේ  Torrent File  Upload කරන්නන් හා Download කරන්නන් කලමනාකරනය කිරීම.එහෙම නැතිනම් මේ දෙගොල්ලෝ එකිනෙකාට මුණගස්වලා Download එක complete වෙනකම් මේ දෙගොල්ලෝ අතර සම්බන්ධතාවය පවත්වගෙන කට්ටිය තමා Trackers ලා වෙන්නේ. මේ විදියට Trackers ලා වශයෙන් සේවය සලසන වෙබ් අඩවි බුරුතු පිටින් මේ අපේ අන්තර් ජංජාලේ පුරා තියෙනවා (නොමිලේ සේවා සපයන). 


ඔන්න මම දැම්මා මම Download කරපු ෆිල්ම් එකක Trackers ලිස්ට් එකක්.ඔයාලා Torrent File එකක් Download කරනකොට ඔන්න ඔහොමයි Trackersලා එයාලගේ ජොබ් එක කරන්නේ.

මේ අතරම  Torrent File   Download කරන්න පුලුවන්  මෘදුකාංග ගැනත් කියන්න ඔනේ .මේවා හදලා තියෙන්නෙම   Torrent File Download මයි.මේවා බොහෝම සරල මෘදුකාංග ගණයට වැටෙන්නේ.ඕන කෙනෙකුට මෙකේ ක්‍රියා පිලිවෙත පහසුවෙන් තේරුම් ගන්න පුලුවන්.මම කියන්නම් සුපුසිද්ධ  Torrent Download Manager මෘදුකාංග ටිකක් ඔයාලට දැන ගන්නත් එක්ක (ලින්ක් එකත් මේ ගමන්ම දෙන්නම් Download ඔන්නම්)

1. Bittorrent Downloader මේක තමයි මමත් පාවිච්චි කරන්නේ.සුපිරි භාණඩයක්
2. Utorrent Downloader


හරි දැන් මම කියන්නම් මේක ක්‍රීයාත්මක වෙන විදිය කෙටියෙන්

කව්රුහරි එක්කෙනෙක්(A) තමන් ලග තියෙන විඩීයෝවක් වෙනුවෙන් තමන් හැදුව Torrent File එක Tracker සයිට් එකකට අප්ලොඩ් කරනවා.තව කෙනෙක්(B) මේ  Torrent File එක එ සයිට් එකෙන් අරගෙන Torrent Download Manager මෘදුකාංගයක් හරහා එම Torrent Download Manager මෘදුකාංගයට මේ Torrent File එක ලබා දිලා කලින් කිව්ව විඩීයෝ ෆයිල් එක Download කරන්න පටන් ගන්නවා.හැබැයි මේ  විඩීයෝ ෆයිල් එක බෙදා හරින කෙනා(A) දිගටම මෙක  Upload කරනවා එයාගේ  Torrent Download Manager හරහා.මේ කියන Upload කරන ක්‍රියාවලිය Torrent භාෂාවෙන් හදුන්වන්නේ Seed (සීඩ්) කරනවා කියලා.එතකොට මේක බෙදා හරින්න මුල් උන පුද්ගලයා හදුන්වන්නේ  Seeder(සීඩර්) කියලා.මෙයාට සිද්ධ වෙනවා අනෙක් කෙනා(B) Download කරලා ඉවර වෙනකම් දිගින් දිගටම සීඩ් කරන්න.නැත්නම් Download එක අතරමග නවතිනවා Active Seeds නෑ කියලා.දැන් අපි හිතමු Download කර කර හිටිය කෙනා (B) Download කරලා ඉවර උනා කියලා.ඔන්න එක Download කරලා ඉවර උන ගමන් Torrent Download Manager මෘදුකාංගය කාටත් හොරෙන් ඉබේටම මේක  Upload කරන්න (Seed කරන්න ) පටන් ගන්නවා.දැන් එතකොට (A) (B) කියන දෙන්නම කටයුතු කරන්නේ  Seeder(සීඩර්)ලා  විදියට.දැන් මේ  Torrent එකට Seeder(සීඩර්)ලා 2යි.ඔය විදියට මේක 100ක් Download කලොත් එයාලා Download කරලා ඉවර උන ගමන් එයාලගේ මැෂින් වලින්  Seed (සීඩ්) කරන්න පටන් ගන්නවා.ඔන්න දැන්  Seeder(සීඩර්)ලා 102යි. ඔන්න ඕකයි ස්ටෝරිය


හරි.දැන් එලමකිරියට තේරුණා නේද.ගොඩ ගොඩ.ඉහතින් සදහන් කල දේවල් වලට අමතරව තව පුංචි පුංචි දේවල් ටිකක් තියෙනවා Torrent Download කරද්දි දැන ගෙන සිටිය යුතු.ඔන්න එවත් මම මට මතක් වෙන විදියට කියාගෙන යන්නම්

1. ඔයාලා සයිට් එකකින් යම් Torrent එකක් Download කරනවානම් අනිවාර්ය්‍යන්ම එ Torrent එකේ health එක ගැන විමසිලිමත් වෙන්න.හැමතිස්සෙම healthy Torrent එකක්ම Download කරන්න උත්සහ කරන්න.Torrent එකක්  healthy වෙන්නේ එකේ තියෙන සීඩ් ප්‍රමාණය අනුව.Seeder(සීඩර්)ලා ගොඩක් එ Torrent එකට ඉන්නවානම් එක අනිවා  healthy Torrent එකක්.පහත දක්වා ඇති රූපසටහන බලලා එකෙන් හොද අදහසක් healthy Torrent එකක් ගැන.මම මේ රූපසටහනේ Torrent සයිට් දෙකකින් ගත්ත Torrent 2ක health එක පෙන්නලා තියෙනවා

2.ඔයාලාට ඔයාලා Download කරන Torrent එක ඉක්මනට Download කරගන්න ඔනද.එකට මෙනන මේ පියවර ටික අනුගමනය කරන්න.මම මේක පෙන්වන්නේ Bittorrent Downloader උපයෝගී කරගෙන.මොකද මම පාවිචිචි කරන්නේ Bittorrent Downloader නිසා.
Torrent Download කරද්දි Data  ගොඩාක්  upload /download වෙනවා කියලා ඔයාලා දන්නවනේ.ඔයාලාගේ මුලික පරමාර්ථෙ Download කීරිමනේ.එක නිසා Download එකට මුල්තැන දෙන්න.හැබැයි  upload කරන එක නවත්තලාම දාන්න එපා.එක ඔයාලගේ සමාජ වගකීමක්.ඔයාලා හැම තිස්සෙම මතක තියා ගන්න ඔයාලා  Torrent Download කරන්නේ තව කෙනෙක් ඔයාලා වෙනුවෙන් Seed කරන නිසා කියලා.ඔයාලත් තව කෙනෙක් වෙනුවෙන් Seed කරන්නම ඕනේ තමන්  Download කරන විට හා කලාට පස්සේ



මේ ලිපියට මෙතැනින් තිත තියමු.ආයේ ඉලග පාර Torrent එකක් හදන පාඩම කියලා දෙන්නම්.දැනට ඇට්ටි හැලෙනකම් Torrent බාන්නකෝ.